Küete vier nog ins …

Küete vier nog ins …Foto www.gluckauf.nl, Henk Duijkers

Frans Stollman, oud houwer op de Staatsmijn Wilhelmina in Terwinselen, sprak op de Barbaraviering in de kerk van Terwinselen op zaterdag 30 november 2013 een gedicht uit waarin hij met enige weemoed terugkijkt op de tijd in de Koel.

Frans Stollman is lid van Veldeke Limburg en van “D’r Kirchröadsjer Dialek Verain”. Frans Stollmann woont in Banholt.

Met een beetje moeite is het voor 'Hollanders' ook goed te lezen.

Küete vier nog ins …

Küete vier nog ins …
tsezame drinke aan d’r blèch,
en sjlefe mit d’r pungel
mit koelwèsj vol sjwainerij,
die vier de Mam
óp heem aa braatte
die vier droge de janse wèch.

Küete vier nog ins …
lüete mit de lamp of
sjuppe mit de koalesjup
en houwe mit d’r voeshammer,
küete vier nog ins
sjave mit de sjaaf en
kroefe  d’r pijler óp en aaf,
inne angere jeëve d’r koelsjtamp
en d’r sjtee of koal bewerke
mit d’r sjräomhammer.

Küete vier nog ins …
fietse óp de koelfiets óngeneer
mit hingedróp de kis vol patroeëne,
küete vier nog ins
vare óp ’t transportband
noa d’r pos of pijler hin en weer
en sjisse in d’r sjtee of koal
mar ze müete ós noen
waal jet besser beloeëne.

Küete vier nog ins …
mit kómpele óngeree
d’r sjiek dele
en poekele in ’t badlokaal,
iech wees wat iech vroag
kunt noeëts mieë tseruk
en dat is flaich e jroeës jeluk,
den aldaag zoeë sjravele
woar doch óch nit normaal.

Küete vier nog ins …
Barbara viere mit alle huier van vruier
en mit ós kómpele die nit mieë zunt,
mar dat is um leef vrung
en jeet laider nit mieë,
doch is ’t jans jód
üch hei allenäu tse zieë,
um tse iere en dankbaarheet tse tseje
dat vier waal nog hei sjtunt.
GLÜCK   AUF  !

Frans Stollmann, 30 november 2013

  • Nieuws
  • 4 december 2013
  • door Frans Stollmann

Bekijk ook...

Barbaraviering

Barbaraviering

  • nieuws
  • 13 november 2016
Hulp komt van boven

Hulp komt van boven

  • nieuws
  • 3 maart 2015